«Әке көрген оқ жонар, шеше көрген тон пішер» қолөнер көрмесі

Қазақта «Әке көрген оқ жонар, шеше көрген тон пішер» деген мақал бар. Бүгінгі ұрпақ тәрбиесі жөнінде ой қозғар болсақ, халқымыздың осынау ұлағатты сөзіне ден қоятынымыз белгілі. Әсіресе, ананың қыз бала тәрбиесіндегі рөлін айтпай кете алмаймыз. Қыздардың инабатты да ақылды, көргенді болып өсуі анасынан алған тәлім-тәрбиесіне тікелей байланысты. Қыздардың, яғни болашақ аналардың қандай болмағы жас кезінде бойына сіңірген үлгі-өнегесінен де бастау алары анық деген мақсатында №11 Тайыр Тастандиев атындағы орта мектебінде 18 наурыз күні 2022 жылы ұйымдастырушы-педагог У.Жарылкасынова және технология пәні мұғалімдері көрме ұйымдастырды. Көрмеге 8-10 сынып оқушылары қатысты.
 Ана қызы үшін ұялмайтындай, ел алдында қызармайтындай болса ананың ақ сүтінің ақталғаны. Өз бақыты үшін күресіп, аянбай еңбек етіп, отағасының басын төрге, отбасын алға жетелейтін, кешегі қазақтың асыл аналарының ізін жалғар мақтаулы қыздарымыз көп болғай!