«ГАДЖЕТТІ УАҚЫТПЕН, ОҚУДЫ НИЕТПЕН»

N11 Тайыр  Тастандиев атындағы орта мектебінде  2025 жылдың 08 сәуір күні   «Тәжірибелік психология» республикалық қоғамдық бірлестігі, Кризистік психолог, отбасылық психотерапевт , трансформациялық коуч  Фатима Бизақованың қатысуымен 8-11 сынып оқушылары арасында «ГАДЖЕТТІ УАҚЫТПЕН,  ОҚУДЫ  НИЕТПЕН»  тақырыбында тренинг  өткізілді.   Аталған тренингтің мақсаты - бүгінгі таңдағы балалардың гаджетке тәуелділіктің, аутодеструктивті мінез-құлықтың алдын алу және  ҰБТ-ға деген сенімділіктерін арттырып, өмірге деген көз қарастарын қалыптастыру болды. Тренинг барысында Фатима Бизақова оқушылармен бойларындағы қорқыныш, реніш, ашу-ыза шығартын жаттығулар, гаджетті тиімді, уақытпен пайдалану, ҰБТ-ға сеніммен барып, жетістікке жету, өмірге жаңаша көз-қараспен қарау туралы жаттығулар  жүргізді.  Кризистік психолог, отбасылық психотерапевт, трансформациялық коуч  Фатима Бизақова мектептің кітапхана қорына өзінің «Психологиялық диагностика» және «Психологиялық түзету-дамыту» кітабын сыйға тартты. Тренинг    соңында мектеп директоры Г.Жорабекова мектеп оқушыларына мағыналы кеңес беріп, алтын уақытын арнап келген  Фатима Бизақоваға  алғыс білдірді.