«Мемлекеттік жалпыға міндетті стандарт жобасындағы өзгерістер мен толықтырулар

Тайыр Тастандиев
28 ноябрь 2024 г. ·
№11 Тайыр Тастандиев атындағы орта мектебінің директоры Г.М.Жорабекова «Мемлекеттік жалпыға міндетті стандарт жобасындағы өзгерістер мен толықтыруларды бастауыш / негізгі орта білім беру бойынша» жобаны ұжымға таныстырып, талқылады. Таныстырылым барысында стандарт пен оқу жоспарларына енгізілген өзгерістердің ерекшеліктері туралы айтылды.
Енгізілген өзгерістер мен толықтырулардың құрылымы негізгі 5 тараудан тұрады.
1-тарау. Жалпы ережелер.
2-тарау. Білім мазмұнына қойылатын талаптар.
3-тарау. Білім алушылардың дайындық деңгейіне қойылатын талаптар.
4-тарау. Білім алушылардың оқу жүктемесінің ең жоғарғы көлеміне қойылатын талаптар.
5-тарау. Оқу мерзіміне қойылатын талаптар.
Стандарт жобасы ғылыми зерттеулер негізінде әзірленіп, құндылықтарға бағытталғанын атап өтті. Сонымен қатар, стандарттың талаптарын оқу жоспарларын, оқу бағдарламаларын, оқулықтар мен оқу-әдістемелік кешендерін, педагогтердің біліктілігін арттыру курстары бағдарламаларының мазмұнын әзірлеуде, тәрбие жұмысын ұйымдастыруда, мектепішілік бақылауда, педагогтерді аттестаттауда, оқыту нәтижелерін бағалауда, білім алушыларды қорытынды аттестаттау және білім жетістіктеріне мониторинг жүргізуде орындау міндетті екендігі айтылды. Аталған құжат жобалары жан-жақты талқыланды. Талқылау барысында ұстаздар қойған бірқатар сұраққа толыққанды жауап берілді.