«Дүниеде ең құнды адам өмірі»

Мектебімізде «Кез-келген мәселенің шешімі табылады» жоспары аясында 2025 жылдың 02 мамыр  күні педагог-психолог А. Бикозиева 9 –сынып оқушыларымен «Дүниеде ең құнды адам өмірі» тақырыбында тренинг ұйымдастырды. Тренингтің мақсаты: Өмірдің адам баласына бір-ақ рет берілетін өте қымбат сый екенін, оны бағалап, қадірлеп, қастерлеу керектігін түсіндіру, кез келген адамның бойында асыл қасиеттің болатынын ұғындыру. Өмірге жақсы көзқараспен қарауға, қадірлей, бағалай білуге баулу. Бала бойындағы имандылық, адамгершілік, сыйластық, достық, кішіпейілділік қасиеттерін қалыптастыру. Тренинг барысында оқушылармен өмір жайлы және кездесетін қиындықтарды қалай жеңуге болатыны жайлы ой бөлісті. Сонымен қатар «Мен қиындықты жеңемін» бейнеролигін көрсетіп, оқушылармен пікірлесті.  «Адам өмірін не құнды етеді» тақырыбында постер қорғады.